على كف "وجع" _ السيد محمد عز العرب خليفة

 على كف "وجع".. ومرجحة فراق

يا قلبي اهدا وبلاش تميل

الحمل زاد.. والصبر قليل

واقفين قصاد بعض بدموع

على قلب مكسور.. مالهوش بديل

لا هو قادر يلم الشمل تاني

ولا احنا عارفين ننسى الأماني

الخوف مابيننا بقاله مكان

والحب أصبح.. ذكرى وثواني

لو مِلت خطوة.. هنغرق سوا

ولو رُحت مِني.. ضاع الهوا

يا خسارة عشرة كانت أمان

بقت النهاردة.. جرح ودوا

اللوح خشب.. والشرخ غريق

والتوهة صعبة في نص الطريق

يا تضحي وتعدي لبر الأمان

يا نسيب بعضنا.. ونفُض الضيق!

بقلم

السيد محمد عز العرب خليفة

مصر