أنا مين _ جيهان النجار

 أنا مين !؟!

شعر/ جيهان النجار

=============

لزقت مرايتي المكسورة بقيت وشين وبقيت كدابة

برغم الكدب مالوش رجلين...أنا مين!؟!

يامرايتي قوليلي

أنا في عرضك

إزاي..... الواحد يبقى اتنين !!

وكسور......

فتافيت.....

ازاي... القصة الواحدة

تكون حواديت

وازاي... الجرح يخلي

العمر سراب

وازاي.... السكر داب... في تراب

يا مرايتي ....قوليلي

ولمي ملامحي وهاتي الوش كأنه شباب

والنبي يامرايتي

انا عاوزة أعرفني

ونفسي أشوفني

ف وسط احباب .