مش هاخليك _ سيد فتح الله
مش هاخليك :-
""""""""""""""""""
لما أفكر فيك،بروح لبعيد
وروحي تبقي فرحانه ،وقلبي سعيد
ونشوي أحسها وهيام
وأعيش كأني في الأحلام
فراشة بترقص علي الأغصان
ونسيم بيعزف لها الألحان
وأطير في سماك،وحياتي تحلالي
وأحب معاك، أيامي وليالي
ما انت اللي علي إيدك عرفت الحب
وخلتني أصون ودك،ولحبك فتحت القلب
ودلوقت تخون ودي، ويهون حبي عليك؟!
تفوت قلبي ،بعد ما إتعود عليك
مش هاخليك تغير صورة حلوة رسمتها
مش هاخليك تطير أحلام جميلة أنا عشتها
مش هاخلي قلبي يبيع غرامه في لحظة ندم
مش هاخلي حبي يضيع هيامه كده في العدم
هافضل أفكر قلبي بغرامك
وأفضل أذكر حبي بنارك
مديونالك
بنبض قلبي مهما تخون
وشيلاهالك
وخلي حبي عليك يهون.
***********
شعر / سيد فتح الله
من ديوان/ حب من طرف واحد
اضف تعليقاً عبر:
الابتسامات