غنوه _ الشاعر السيد الشهاوى

 غنوه الشاعر:

السيد الشهاوى

فاصل: ونواصل

فاصل وحياتك ونواصل

يا مكتفني هواك بسلاسل

قولل واخدني معاك علي فين

يا بوعيون حلوين... حلوين

عارف اني بحب امير

ايوه انا عارف

بس ما احبش ابقي اسير

ايوه انا خايف

وياما كتير انا جيت علي قلبي

الا كرامتي وعزه نفسي

انا اصلا ذي العصافير

بياخدني هوايا وباطير

$$$$$$$

بشويش.... وبالراحه عليا

علمني فن الملاغيه

علمني ازاي اعرف احبك

واوعي تفكر تقسي عليا

ملكتك علي قلبي امير

بس انا فارس حبي كبير

انا غير كل الناس ياحبيبي

انا عشقي اجمل بكتير

$$$$$$$

انا ياما عشت الحرمان

من قبل ما اقابلك بزمان

اتمنيت الحب امان

اخلاص وجمال وحنان

وضاع العمر.... ضاع مني

ما لاقيتشي غير الهجران

اخلصت في حبي ولو اني

ما لاقيتشي الاخلاص غير مني

قفلت قلبي علي جراحي

ونسيت امالي. وافراحي

وعشت غريب ما بين ناسي

وبين نفسي .... وبين ياسي

$$$$$$$

وبالصدفه لقيتك قدامي

بتنور ليلي وايامي

بتقولي دي الدنيا حلوه

انا وانت حانعيشها في غنوة

ما اعرفش ايه اخدني ليك

وغاصت في عيني عينيك وشوفت الدنيا لاول مره

فرحانه

بترقص حواليك

ونامت بين ايديا ايديك

ولقتني باقول لك ياحبيبي

بشويش وبالراحه عليا

علمنى ازاي اعرف احبك

علمنى بس بحنيه

علمنى بس بحنيه

كلمات

السيد الشهاوى