جوابه _ شريف شحاته
أغنية
جوابه
بقلم شريف شحاته مصر
أول ما فتحت جوابه فى الأول قالى سلامه
سطرين وبدأ بكلامه أول ما فتحت جوابه أول ما فتحت جوابه
والبعد بقى مدوبنى والغربة طويلة عليا
أستنى أرجع وأشوفك نسعد بأيامنا الجاية
بكتب جوابات بدموعى طيفك على طول قدامى
وأستنى أمل فى رجوعى فى نهارى وحتى منامى
وبعتلى كمان كام صورة فى ميدان واقف سنيورة
خلانى أعيش بعذابه أول ما فتحت جوابه
أول ما فتحت جوابه
بيقولى الصبر جميل علشان يتغير حالنا
والباقى فى غربة قليل وبنبنى فى مستقبلنا
ودة لسة العمر طويل والآتى يريح بالنا
سنة واحدة أرجع وأشوفك ويروح قلقك مع خوفك والدنيا حتضحك لينا وأرجع أفرح بحروفك
وختم لى رسالته بهمسة وبكلمة كأنها لمسة
وأنا سهدى يطول فى غيابه أول ما فتحت جوابه
أول ما فتحت جوابه
شعر غنائي
اضف تعليقاً عبر:
الابتسامات