انا مين _ محمد الحفناوي
انا مين
بقلم..
محمد الحفناوي
انا حلم مركون ع الرفوف
اتلم عليه التراب
انا صفحه ف كتاب مقطوع
فيها حكايه عذاب
انا عاقل جدا واوقات مجنون
صادق دايما بس كداب
انا خيط اسود مقطوع
شبعان حاسس بالجوع
جرئ جدا خواف
للفرح عمره ما شاف
انا تايه
ايوه تايه
اوقات كتير مش فاهمنى
والناس علي طول بايعانى
احلامى ضاعت منى
ولا حد بيسأل عن حالى
عايش أكبر من سنى
والهموم دايما ملازمانى
محدش واقف جنبى
وبقت الوحده بتحلالى
انا خايف
ايوه خايف
حتى لما كنتى معايا كنت خايف
كنت خايف لا تسيبينى
ومن حياتك كلها تمحينى
وتسيبيلى شويه ذكريات
توجعنى طول الساعات
ومقدرش انسى اللى فات
وميكفيش حزنى كلمات
انا موجوع
ايوه موجوع
عمرى ما كنت زى دلوقت
علي طول مش حاسس بالوقت
مش عارف افكر تعبان
اوقات كتير قلقان
صامت جدا ووحيد
مفيش ف حياتى جديد
يارب انت عالم بحالى
ارحمنى وريح بالى
شعر عامي
اضف تعليقاً عبر:
الابتسامات