كان نفسى _ شريف شحاته

 أغنية

كان نفسى

بقلم شريف شحاته مصر

كان نفسى أول ما أشوفه أسأله ويقولى على ظروفه

خطفتنى اللهفة وعيونه من شوق قلبى عليه وخوفه كان نفسى أول ما أشوفه

كان نفسى أقوله كلام ياما لكن إحساسى أثر فيا

وبهمسة أقول ألف سلامة بلسانى أو رمش عينيا

وبقيت مشغول فى عينيه على طول مش عارف أقول من سحر جماله وفى حروفه

كان نفسى أول ما أشوفه

قبل ما أقابله كنت بفكر أسأله عن ظرفه وأحواله

ونسيت كل كلامى وأكتر من حيرة قلبى ونسيانه

ومن شوقى إليه من خوفى عليه أو سحر عينيه

آه يا حيرة قلبى وياكسوفه

كان نفسى أول ما أشوفه