لمة زمان _ داليا عبدالله

 لمة زمان

كنا لمة تشرح القلب الحزين

كنا ايد وحدة نسافر بالسنين

محتاجين بعض بندفى بحنين

بالحكاية نقضى ليلنا مبهورين

بالنا خالى من هموم المكسورين

كانت الدنيا في عنينا حاجة حلوة

لبس عيد والعيدية

عيد ميلاد والهدية

ولا فسحة للمزارع

يركبوا في العربية

كنا لمة على الفطار

باحترام يحلى الهزار

والمشاركة في العمل

ننجزه باقتدار

كنا طول يومنا بنشاط

زى الفراشات

ودايرة في المدار

كل حاجة هنا بسيطة

والايمان لنا اختيار

كل عام وانتم بخير

قمت افتش في السنين

لقيت كتير مش موجودين

ودعائي للجميع

ترجع اللمة الجميلة

بقلم داليا عبدالله