رشحة فكر _ د. يوشع علي إسماعيل

زجل

رشحة فكر

قبل ما تكتب الكلمه توخه

ألف مره برمها بمخه

لما تصير نَدى للأزهار

رشحة فكر عالورد بخه

الشعر مش حبر عالورق فار

ولا بيوت مصفصفي بجخه

الشعر شعور ودمع فوار

بسهر الليالي زخ زخه

الشعر احساس وبركان نار

رصاصة حقيقة براس الظلم طخه

وطفل خلقان متل قلب النهار

وحَبل للعداله مراسوا ما رخه

وعطر مولود قبل العطار

وسيف مصلط عالجهالي لخه

الشعر كلمة متل سنان المنشار

خشاب الخيانة تحت منو تخه

الشعر شرف بأهلوا بار

عهد وأمانة عن النفس نسخه

الشعر عقل رايح مشوار

ببساتين المعرفة يقطف معاني

تأكبر عقول تنخ إلو نخه

بقلم الشاعر والأديب د يوشع علي إسماعيل