العمر عدى _ د. حسن الشوان

  العمر عدى

ح يجى عليك وقت تعاتب نفسك

وح تندم أشد الندم على النسيان

ح تحاسب روحك ع وجع نفسك

وعلى عمرك اللى جرى منك وكان

وعمايلك وأفعالك وكان وبعد كان

على النسيان اللى عايشه من زمان

على الغرور اللى هو سبب يأسك

على كبريائك اللى فلت منك للعنان

ح تحاسب نفسك على ايه ولا ايه

دفاتر مليانا وصفحات م الذكريات

وسنيين جريت منك من غير ليه

وملامح اتغيرت قدامك والنظرات

ودموع شفتها بعينيك ومأثرتش فيك

ولا حركت جواك احاسيس المشاعر

ولا فكرت فيها ولا فى اللى حواليك

هدمت بيووت اشعارك وانت شاعر

بتكتب مشاعرك اللى حستها انكسار

مجيتش فى مره سألت روحك يوم

لما المرايا لفتت نظرك شكلك مهموم

مفكرتش إلا تعيش وكأنك مظلوم

والنهارده الندم مش قابل منك اعذار

ضيعت جمالك بالغرور وقطفت الزهور

وظلمت قلبك معاك ومسمعتش كلامه

دلوقت ح تعمل ايه معاه وانت مكسور

يا ترى ح يسامحك بعد ما راح غرامه

والعمر عدى ومبقاش فيه الا الانتظار

د/ حسن الشوان/ مصر